Прэзідэнт Беларусі Аляксандр Лукашэнка накіраваў спачуванне Прэзідэнту Філіпін Фердынанду Маркасу-малодшаму ў сувязі з чалавечымі ахвярамі ў выніку магутнага землетрасення. Пра гэта БелТА паведамілі ў прэс-службе кіраўніка дзяржавы.
«Народ Рэспублікі Беларусь з глыбокім болем і смуткам успрыняў вестку аб магутным землетрасенні, якое закранула востраў Мінданаа», — гаворыцца ў спачуванні.
Беларускі лідар ад імя суайчыннікаў і сябе асабіста адрасаваў шчырыя спачуванні і словы падтрымкі родным і блізкім загінулых, пажадаў выздараўлення пацярпелым і выказаў надзею на хуткае пераадоленне наступстваў стыхіі.
