«Трамп чым мне падабаецца — ён як думае, так і кажа. Мне гэты падыход падабаецца. Таму што мы бачым сапраўдную палітыку і мэты амерыканскага кіраўніцтва. І бачым, хто такія амерыканцы. Мне гэта падабаецца», — сказаў кіраўнік дзяржавы.

Аляксандр Лукашэнка адзначыў, што Дональд Трамп — гэта ў добрым сэнсе слова акцёр, а яшчэ бізнесмен, журналіст, эканаміст і крыху палітык.

Прэзідэнт Беларусі падкрэсліў, што таксама заўсёды адкрыта кажа, калі лічыць, што цяперашняя адміністрацыя ў ЗША і сам Дональд Трамп дзейнічаюць няправільна і дапускаюць тыя ці іншыя касякі. «Вайна ў Іране, Венесуэла — захапілі Мадуру», — прывёў ён прыклады.

Аляксандр Лукашэнка таксама звярнуў увагу, што і ўнутры ЗША на дзеючага прэзідэнта аказваецца сур’ёзны ціск, і ў тым ліку з боку ваенных. «А можа быць, і нейкая глыбінная дзяржава. Ужо і амерыканцы пра гэта гавораць», — адзначыў беларускі лідар.