Прэзідэнт Беларусі Аляксандр Лукашэнка сустрэўся са старшынёй Кабінета Міністраў — кіраўніком Адміністрацыі Прэзідэнта Кыргызстана Адылбекам Касымаліевым, паведамляе БелТА.
Адылбек Касымаліеў 28 верасня прыбыў у Беларусь з афіцыйным візітам. У праграме візіту кіраўніка Кабінета міністраў Кыргызстана былі перагаворы з Прэм’ер-міністрам Беларусі Аляксандрам Турчыным у вузкім і пашыраным фарматах, па выніках якіх бакі падпісалі шэраг дакументаў.
Прэм’ер-міністр Кыргызстана ў Мінску таксама прыняў удзел у пасяджэнні Савета кіраўнікоў урадаў СНД і наведаў выставу «ІНАПРАМ. Беларусь».
