Кіраўнік дзяржавы падкрэсліў, што беларускую сталіцу трэба захоўваць камфортным для жыцця і ні ў якім разе не перанасяляць, не сцягваць сюды людзей з усіх рэгіёнаў. Таму ідзе развіццё гарадоў-спадарожнікаў-Рудзенска, Дзяржынска, Смалявічаў, Лагойска, Фаніпаля, Заслаўя, дзе ствараецца інфраструктура для камфортнага жыцця людзей, будуецца жыллё. 

А зараз на стале ў кіраўніка дзяржавы — варыянты тэхнічных рашэнняў таго, як звязаць сталіцу і гарады-спадарожнікі хуткасным транспартам. «Думаем, як звязаць хуткімі тэхнічнымі сродкамі гэтыя раёны з Мінскам. Ці будзе чыгунка, або Манарэйка... паглядзім, што танней, што нам больш падыходзіць, — расказаў Аляксандр Лукашэнка. — Так, каб людзі маглі з таго ж Дзяржынска ў Мінск прыехаць за 10 хвілін».