Надзвычайным і Паўнамоцным Паслом Рэспублікі Беларусь у Федэратыўнай Дэмакратычнай Рэспубліцы Эфіопія па сумяшчальніцтве прызначаны Дзмітрый Красоўскі. У цяперашні час ён з’яўляецца Надзвычайным і Паўнамоцным Паслом Беларусі ў Кеніі і па сумяшчальніцтве ва Угандзе, а таксама Пастаянным прадстаўніком Беларусі пры Афрыканскім саюзе, праграмах ААН па навакольным асяроддзі (ЮНЭП) і па населеных пунктах (ААН-Хабітат).

Сяргей Маліноўскі прызначаны Надзвычайным і Паўнамоцным Паслом Рэспублікі Беларусь у Чарнагорыі па сумяшчальніцтве. Цяпер ён з’яўляецца Надзвычайным і Паўнамоцным Паслом Беларусі ў Сербіі і па сумяшчальніцтве ў Паўночнай Македоніі.

Акрамя таго, кіраўнік дзяржавы даў згоду на прызначэнне двух генеральных консулаў Беларусі.

Генеральным консулам у Шанхаі (Кітайская Народная Рэспубліка) будзе працаваць Аляксандр Шаўчэнка. Генеральным консулам у Алматы (Рэспубліка Казахстан) — Дзяніс Мялешкін.