Кіраўнікі дзяржаў зверылі гадзіннікі па пытаннях рэалізацыі дамоўленасцяў, дасягнутых у час нядаўняга афіцыйнага візіту Прэзідэнта Узбекістана ў Беларусь. З абодвух бакоў дадзены неабходныя даручэнні, каб напоўніць фармат адносін стратэгічнага партнёрства практычным узаемадзеяннем і канкрэтнымі ўзаемавыгаднымі праектамі. Работа ў гэтым кірунку вядзецца максімальна актыўна, уключаючы інвестыцыйнае супрацоўніцтва ў сферы АПК і па іншых кірунках.

Аляксандр Лукашэнка і Шаўкат Мірзіёеў пацвердзілі неабходнасць поўнафарматнай рэалізацыі зацверджанай дарожнай карты супрацоўніцтва на 2026—2030 гады, што павінна садзейнічаць дасягненню двухбаковага тавараабароту $2 млрд. Кіраўнікі дзяржаў падкрэслілі важнасць далейшага ўмацавання міжрэгіянальнага супрацоўніцтва.

Прэзідэнт Беларусі таксама цёпла павіншаваў Прэзідэнта Узбекістана з днём нараджэння.