«Устойлівае развіццё фармацэўтычнай і мікрабіялагічнай прамысловасці з’яўляецца значным фактарам захавання здароўя нацыі — аднаго з ключавых складальнікаў незалежнасці і бяспекі краіны», — гаворыцца ў віншаванні.

Аляксандр Лукашэнка адзначыў, што дзякуючы карпатлівай штодзённай працы зладжанага калектыву, які мае сур’ёзныя навуковыя веды і практычны вопыт, ствараюцца эфектыўныя і даступныя лекавыя сродкі, якім давяраюць не толькі ў Беларусі, але і за яе межамі.

«Перакананы, што і ў далейшым вашы вернасць прафесіі, адказнасць і мэтанакіраванасць будуць садзейнічаць рэзультатыўнай рабоце галіны і выкананню ўсіх пастаўленых задач», — падкрэсліў кіраўнік дзяржавы.

Прэзідэнт пажадаў работнікам фармацэўтычнай і мікрабіялагічнай прамысловасці здароўя, міру, дабрабыту і поспехаў у нялёгкай працы на карысць роднай Беларусі.