«Беспрэцэдэнтная актыўнасць мільёнаў выбаршчыкаў і пацверджанае партыяй „Адзіная Расія“ канстытуцыйная большасць у Дзяржаўнай думе — дастойны адказ на цынічныя спробы звонку дыскрэдытаваць кампанію, унесці раскол у з’яднанае расійскае грамадства», — гаворыцца ў віншаванні.

Кіраўнік дзяржавы звярнуў увагу, што вынікі выбараў пераканаўча дэманструюць прыхільнасць расіян да вызначанага Уладзімірам Пуціным курсу на стабільнае развіццё Расіі — упэўненай у сваіх сілах дзяржавы, адкрытай да партнёрства і супрацоўніцтва.

«Перакананы, абноўлены склад Парламенцкага сходу Саюза Беларусі і Расіі, выбраныя вышэйшыя службовыя асобы суб’ектаў Расійскай Федэрацыі, дэпутаты ўсіх узроўняў унясуць значны ўклад у саюзнае будаўніцтва і рэалізацыю нашага маштабнага інтэграцыйнага парадку дня», — падкрэсліў беларускі лідар.

Аляксандр Лукашэнка пажадаў Уладзіміру Пуціну ўвасаблення ў жыццё ўсіх добрых намераў на славу Айчыны.