«Сёння ўніверсітэт з’яўляецца вядучай установай тэхнічнага профілю, забяспечвае высокі ўзровень падрыхтоўкі кваліфікаваных кадраў для ключавых галін эканомікі. Аб’ядноўваючы лепшыя акадэмічныя традыцыі з інавацыйнымі падыходамі, ВНУ спрыяе фарміраванню прафесійных кампетэнцый студэнтаў, іх грамадзянскаму станаўленню», — гаворыцца ў віншаванні.

Аляксандр Лукашэнка выказаў перакананне, што назапашаны вопыт, адукацыйная і навуковая дзейнасць калектыву ВНУ дазволяць і ў далейшым выпускаць высакакласных спецыялістаў, выхоўваць сапраўдных патрыётаў Беларусі, прымнажаць інтэлектуальны і вытворчы патэнцыял краіны.

Прэзідэнт пажадаў усім моцнага здароўя, дабрабыту, новых дасягненняў і ўпэўненага руху наперад.