«Наша краіна брала ўдзел у падрыхтоўцы Статута ААН і з гонарам увайшла ў склад дзяржаў — заснавальнікаў Арганізацыі, альтэрнатывы якой не існуе і сёння. Таму беларусы адчуваюць адказнасць за захаванне яе моцнай і ўплывовай, — адзначыў кіраўнік дзяржавы. — Неаднаразова даказаўшы сваю эфектыўнасць у пытаннях калектыўнага рэагавання на надзвычайныя гуманітарныя сітуацыі і садзейнічання развіццю краін свету, ААН нязменна застаецца найважнейшай пляцоўкай для перагавораў і пошуку аптымальных рашэнняў па пераадоленню глабальных выклікаў і пагроз».

«Чарговы юбілей нагадвае аб неабходнасці працягваць гэтую гістарычную місію, закладзеную ў 1945 годзе перамогай у Другой сусветнай вайне, і далей падтрымліваць Арганізацыю ва ўмацаванні міжнароднага міру і бяспекі. Рэспубліка Беларусь цэніць намаганні Арганізацыі і Ваш асабісты ўклад у справу прадухілення канфліктаў і захавання агульначалавечых каштоўнасцей, якія ляжаць у аснове Статута ААН. Хачу цвёрда адзначыць, што ў гэтай складанай дзейнасці Вы заўсёды можаце разлічваць на падтрымку Беларусі», — запэўніў Прэзідэнт.

Аляксандр Лукашэнка пажадаў Антоніу Гутэрышу далейшых поспехаў на карысць усяго чалавецтва.