Прэзідэнт Беларусі Аляксандр Лукашэнка павіншаваў асабісты склад і ветэранаў ваенна — паветраных сіл (ВПС) з прафесійным святам-Днём ваенна-паветраных сіл. Пра гэта паведамілі ў прэс-службе кіраўніка дзяржавы.

«Вы звязалі свой лёс з небам, выбраўшы справай свайго жыцця абарону паветраных рубяжоў Радзімы, і працягваеце пісаць гісторыю ваеннай авіяцыі Беларусі, — гаворыцца ў віншаванні. — На кожнай яе старонцы — летапіс ратных і працоўных подзвігаў папярэдніх пакаленняў. Ваенныя лётчыкі праяўлялі незвычайную мужнасць у гады Вялікай Айчыннай вайны, пры аказанні інтэрнацыянальнай дапамогі, падчас ліквідацыі наступстваў аварыі на Чарнобыльскай АЭС. І сёння іх гераізм — яркі прыклад для моладзі, вайскоўцаў і грамадзянскага персаналу ўсіх авіяцыйных воінскіх часцей беларускай арміі».

Прэзідэнт выказаў упэўненасць у тым, што і ў далейшым асабісты склад ВПС будзе верны лепшым традыцыям, закладзеным ветэранамі, і прадоўжыць стаяць на варце мірнага неба краіны.

Кіраўнік дзяржавы пажадаў усім моцнага здароўя, шчасця, дабрабыту і новых поспехаў у службе на карысць Айчыны.