Гаворачы аб чаканых выніках цяперашняй нарады, Прэзідэнт падкрэсліў: «Галоўнае — я хачу ўбачыць, якім чынам мы ў прынцыпе арганізавалі работу так званай мабілізацыйнай эканомікі (у СМІ часта гучыць гэты тэрмін, і правільна гучыць). Прычым на канкрэтных прыкладах, без вады і агульных разваг аб „кіраваным ахаладжэнні расійскага рынку“ як аб галоўнай прычыне нашых цяжкасцяў».

Напрыклад, за развіццё экспарту (які, дарэчы, пакуль асядае) ва ўрадзе замацаваны віцэ-прэм’еры з канкрэтнымі прозвішчамі. «Як з іх і міністра замежных спраў патрабуе Прэм’ер-міністр, урад і яго прэзідыум?» — спытаў Аляксандр Лукашэнка.