Дакументам прадугледжваецца комплекснае рэгуляванне лізінгу ў рамках адзінага нарматыўнага прававога акта з улікам практыкі прымянення норм указа ад 25 лютага 2014 года № 99 «Аб пытаннях рэгулявання лізінгавай дзейнасці».

Рэгламентуюцца пытанні ажыццяўлення лізінгавай дзейнасці, у тым ліку з жылымі памяшканнямі; патрабаванні да формы і зместу дагавора фінансавай арэнды (лізінгу); паўнамоцтвы Нацыянальнага банка ў сферы рэгулявання лізінгавай дзейнасці і кантролю за выкананнем заканадаўства; асноўныя правы і абавязкі лізінгадаўцаў і лізінгаатрымальнікаў.