Прэзідэнт адзначыў, што на мерапрыемстве сабраліся прадстаўнікі творчай эліты айчыннай журналістыкі — людзі, праца і талент якіх фарміруюць аб’ектыўны вобраз сучаснай Беларусі.

«У эпоху постпраўды ваш форум з’яўляецца ўнікальнай пляцоўкай для абмену вопытам, абмеркавання тэндэнцый і стратэгіі развіцця нацыянальнай інфармацыйнай прасторы, дае магчымасць па заслугах адзначыць уменні майстроў друкаванага слова», — гаворыцца ў прывітанні.

Насычаная праграма мерапрыемстваў і ўзнагароды «Залатой Літары», напэўна, дадуць магчымасць журналістам і медыяэкспертам пашырыць прафесійныя гарызонты і ўкараніць у сваю работу перадавыя практыкі, падкрэсліў Аляксандр Лукашэнка.

Прэзідэнт пажадаў усім удзельнікам плённых зносін, прыемных дыскусій і паспяховага ўзаемадзеяння на карысць Радзімы.