«За гэтыя гады вы прайшлі ўражальны шлях ад невялікага радыёзавода да аднаго з найбуйнейшых вытворцаў тэлевізараў у Еўропе, — гаворыцца ў віншаванні. — Каманда кваліфікаваных інжынераў холдынгу „Гарызонт“ сочыць за трэндамі ў электроніцы і сучаснымі тэхналогіямі. Самыя перадавыя рашэнні актыўна ўкараняюцца ў працэсе абнаўлення мадэльнага рада. Ключавую ролю ў гэтым адыгрывае ўласны цэнтр распрацовак».

Кіраўнік дзяржавы выказаў удзячнасць ветэранам, якія заклалі важныя вытворчыя традыцыі. Асаблівай увагі, паводле слоў Прэзідэнта, заслугоўвае сацыяльная ініцыятыва прадпрыемства. Адукацыйныя цэнтры для дзяцей і моладзі, створаныя пры ім, садзейнічаюць выхаванню новага пакалення таленавітых спецыялістаў.

«Перакананы, што і ў далейшым холдынг „Гарызонт“ будзе флагманам у сваёй галіне», — падкрэсліў беларускі лідар.

Аляксандр Лукашэнка пажадаў усяму шматтысячнаму калектыву і ветэранам прадпрыемства моцнага здароўя, дабрабыту і новых працоўных здзяйсненняў.