На ідэалагічным фронце ў цяперашні час ідзе вайна. Пра гэта Прэзідэнт Беларусі Аляксандр Лукашэнка заявіў, прымаючы кадравыя рашэнні. У ліку прызначаных — новыя міністры інфармацыі і культуры, якімі, адпаведна, сталі Дзмітрый Жук і Марат Маркаў, перадае БелТА.
«Што датычыцца нашага ідэалагічнага складніка — ідзе вайна. Пакуль на ідэалагічным фронце. Можа, і дзякуй богу. Будзем пакуль ваяваць. Вы бачыце, што часам нядобрасумленна з намі паступаюць, як YouTube там каналы (выдаліў. — Заўв. БелТА). Вы людзі вопытныя і часта пра гэта самі кажаце і не толькі. Вядомыя нашы перадачы ў Эйсманта (размова аб тэлепраграме «Клуб рэдактараў», вядучым якой з’яўляецца кіраўнік Белтэлерадыёкампаніі Іван Эйсмант. — Заўв. БелТА), або назіраю за развагамі вашымі. Вы гэта выдатна ведаеце — ідзе вайна. І трэба сказаць, гэта тэма Адміністрацыі Прэзідэнта, у нас не ўсё добра тут», — заявіў кіраўнік дзяржавы.
Аляксандр Лукашэнка прыгадаў вядомую фразу, што найважнейшым з мастацтваў з’яўляецца кіно. «Не я гэта сказаў, але абсалютна падтрымліваю. Тое, што мы закінулі кіно, гэта нікуды не падыходзіць», — падкрэсліў беларускі лідар.
