Адбылася тэлефонная размова Прэзідэнтаў Беларусі і Расіі Аляксандра Лукашэнкі і Уладзіміра Пуціна. Пра гэта паведамілі ў прэс-службе беларускага лідара.
Кіраўнікі дзяржаў падрабязна абмеркавалі сустрэчу Прэзідэнта Расіі са спецпасланнікам прэзідэнта ЗША Стывенам Уіткафам і прапановы амерыканскага боку па мірных перагаворах.
Уладзімір Пуцін падрабязна праінфармаваў Аляксандра Лукашэнку аб перагаворах у Крамлі і дамоўленасцях прэзідэнтаў Расіі і ЗША аб сустрэчы. У цяперашні час вызначаецца месца яе правядзення.
Прэзідэнт Расіі таксама расказаў аб выніках перагавораў у цэлым.
