«Новая глава ў гісторыі айчыннай мытнай справы пачалася ў няпростых умовах змены эпох, адначасова з набыццём нашай краінай незалежнасці. За тры з паловай дзесяцігоддзі, амаль з нуля, створана надзейная сістэма, якой па праву сёння ганарыцца наша дзяржава, — гаворыцца ў віншаванні. — Прайшоўшы вялікі шлях мадэрнізацыі, беларуская мытня ператварылася ў высокатэхналагічны інструмент абароны эканамічных інтарэсаў краіны і барацьбы з трансгранічнай злачыннасцю».

«Дзякуючы прафесіяналізму, прынцыповасці і вернасці абавязку супрацоўнікаў, а таксама пастаяннаму ўдасканаленню кантролю і эфектыўнаму ўкараненню лічбавых тэхналогій забяспечваецца стабільнае напаўненне рэспубліканскага бюджэту, ствараюцца спрыяльныя ўмовы для вядзення знешнеэканамічнай дзейнасці», — адзначыў беларускі лідар.

Кіраўнік дзяржавы адрасаваў асаблівыя словы ўдзячнасці ветэранам, якія заклалі трывалы фундамент сучаснай мытнай службы, перадаўшы лепшыя традыцыі маладому пакаленню. «Упэўнены, што, абапіраючыся на багаты вопыт, супрацоўнікі беларускай мытні і ў далейшым будуць вырашаць на самым высокім узроўні пастаўленыя задачы», — падкрэсліў ён.

Аляксандр Лукашэнка пажадаў асабоваму складу і ветэранам мытнай службы моцнага здароўя, дабра і міру, дабрабыту, поспехаў і новых дасягненняў у імя працвітання Беларусі.