Планамі на гэты год Вольга Шпілеўская падзялілася з журналістамі 11 лютага падчас сустрэчы з актывам Магілёўскай абласной арганізацыі БСЖ.

Вольга Шпілеўская нагадала, што ў канцы мінулага года Аб’яднаная арганізацыя БСЖ Белаграпрамбанка правяла галіновы конкурс «Супербабуля». «Цудоўны быў конкурс! Моладзі варта было б павучыцца энергічнасці ва ўдзельніц. Калі яны выходзілі на сцэну, складана было паверыць, што гэтыя жанчыны — ужо бабулі: такія ўсе маладыя, прыгожыя, актыўныя», — падзялілася Вольга Шпілеўская.

Старшыня БСЖ акцэнтавала ўвагу на тым, што конкурс пачнецца з раённых адбораў. Прычым для некаторых раёнаў падобны конкурс будзе не ў навінку. Але цяпер ён атрымае большую ўвагу і іншае гучанне.

«У рэгіёнах робіцца нямала цікавых праектаў, некаторыя ў чымсьці сугучныя адзін з адным. Часам усё гэта трэба аб’яднаць, стварыць прыгожую схему, па якой гэта павінна працаваць, каб атрымаўся належны эфект. Лічу, што ў нас павінны быць адзначаны ўсе катэгорыі жанчын, рознага ўзросту і статусу», — падкрэсліла Вольга Шпілеўская.

Дадзены конкурс — гэта частка рэспубліканскага плана мерапрыемстваў па правядзенні ў 2026 годзе Года беларускай жанчыны, зацверджанага пастановай Саўміна № 69 ад 7 лютага 2026 года.

Акрамя таго, Вольга Шпілеўская расказала, што ў планах яшчэ пасадка яблыневага саду і конкурс шматдзетных сем’яў. «Хочацца, каб усе мерапрыемствы закранулі кожную жанчыну. Каб кожная беларуска, якая жыве ў нашай краіне, адчула на сабе, што такое год беларускай жанчыны. Для гэтага мы збіраемся з нашымі актывістамі, каб усё гэта абмеркаваць і разумець, як і якімі механізмамі ўсё гэта будзе рэалізавана», — адзначыла яна.

«Галоўнае для беларускіх жанчын сёлета, як і ва ўсе наступныя гады, — быць жанчынамі і разумець, што ў тваёй краіне ў цябе ёсць магчымасць цалкам сябе рэалізаваць. Рэалізаваць сябе як мама, у прафесіі, у грамадскай дзейнасці, Што таксама немалаважна. Мы бачым, што нашы беларускі сапраўды могуць усё. Яны яшчэ імкнуцца быць карыснымі тым людзям, якія іх атачаюць, унесці свой уклад у развіццё краіны. І мне здаецца, гэта вельмі важна, вельмі прыкметна. І я ўпэўненая, што так будзе не толькі ў 2026 годзе, так будзе і далей працягвацца. І, напэўна, гэты год абвешчаны кіраўніком дзяржавы Годам беларускай жанчыны за іх заслугі і ўклад у развіццё краіны», — заявіла Вольга Шпілеўская.