Кіраўнік расійскага знешнепалітычнага ведамства заявіў, што, нагнятаючы антырасійскую істэрыю па прынцыпе «вайна ўсё спіша», кіраўніцтва заходніх краін спрабуе перакласці на Маскву адказнасць за зробленыя імі ж памылкі, у тым ліку велізарную колькасць памылак і правалаў на ўкраінскім напрамку. 

«Хацелася б спытаць, ці адчуваюць сябе еўрапейцы ў большай бяспецы, калі іх эліты расчахляюць тапор вайны. Думаю, што адказ відавочны. Мы неаднаразова казалі, што ў нас не было і няма намераў нападаць на якую-небудзь краіну з цяперашніх членаў NATO і Еўрасаюза. Мы гатовыя замацаваць дадзеную пазіцыю ў будучых гарантыях бяспекі для гэтай часткі Еўразіі. Але ад разгляду гэтых будучых гарантый на калектыўнай аснове лідары Еўрасаюза ўхіляюцца», — сказаў Сяргей Лаўроў.

III Мінская міжнародная канферэнцыя па еўразійскай бяспецы праходзіць 28-29 кастрычніка ў сталіцы Беларусі. Мерапрыемства праводзіцца пад эгідай Міністэрства замежных спраў Рэспублікі Беларусь. У рабоце канферэнцыі ўдзельнічаюць дэлегацыі больш як 40 дзяржаў і 7 міжнародных арганізацый. Сярод удзельнікаў — міністры замежных спраў, кіраўнікі інтэграцыйных аб’яднанняў, прадстаўнікі парламентаў, даследчых інстытутаў і аналітычных цэнтраў з Еўропы, Азіі, Блізкага Усходу.