Старшыня Мінскага аблвыканкама Аляксей Кушнарэнка адзначыў, што сустрэча сімвалічна праходзіць у Дзень пажылых людзей. Прадстаўнікі старэйшага пакалення заўсёды знаходзяць спосаб праявіць сябе, заявіць аб сваёй грамадзянскай пазіцыі, жаданні быць карыснымі грамадству і дзяржаве, дэманструючы высокія вынікі. «Вы выпраменьваеце дзіўнае святло, цяпло і даяце проста фантастычную энергетыку. Нізкі вам паклон за вашу актыўную жыццёвую пазіцыю», — падкрэсліў кіраўнік вобласці.

Цэнтральная частка мерапрыемства — узнагароджанне пераможцаў абласных конкурсаў «Наша справа» і «Ветэранскі падворак», якія сталі сапраўдным святам працы, мудрасці і любові да сваёй зямлі. Сёлета ў конкурсе падворкаў прынялі ўдзел 300 уладальнікаў ветэранскіх сядзіб.

Конкурс «Наша справа» — своеасаблівае прызнанне заслуг асобных прадстаўнікоў грамадскасці, лідараў, актывістаў ветэранскага руху, пярвічных арганізацый ветэранаў, якія рэалізуюць ініцыятывы і ўнеслі асаблівы ўклад у патрыятычнае выхаванне насельніцтва і павышэнне якасці жыцця старэйшага пакалення Мінскай вобласці.

Асаблівыя словы ўдзячнасці прагучалі ў адрас тых, хто прыняў удзел у конкурсе «Ветэранскі падворак», што атрымаў асаблівую актуальнасць у Год добраўпарадкавання. Ветэраны і члены іх сем’яў пастараліся, каб іх сядзібы сталі годным упрыгажэннем населеных пунктаў і прыкладам гаспадарлівасці для суседзяў. Сёлета ў ліку найлепшых былі адзначаны падворкі, размешчаныя ў Капыльскім, Мядзельскім і Маладзечанскім раёнах.