У міліцыю звярнуўся кур’ер службы дастаўкі, які ледзь не стаў саўдзельнікам махлярства па схеме «Алё, мама». Напярэдадні ён забіраў пасылку ў сталічнай пенсіянеркі і заўважыў, што пажылая жанчына выглядала ўсхваляванай. Кур’ер западозрыў, што яна стала ахвярай махляроў, і спытаў пра змесціва скрутка. У адказ пенсіянерка запэўніла, што ў пасылцы не грошы, а рэчы для сваячкі. Жанчына настойліва патрабавала забраць скрутак і перадаць яго адрасату. Паводзіны і далейшыя тлумачэнні пенсіянеркі здаліся кур’еру падазронымі, і ён вырашыў адвезці пасылку ў міліцыю.

Як аказалася, разам з рэчамі ў пакеце знаходзіліся Br20 тыс. нібыта на вызваленне сваячкі ад адказнасці. Наяўныя канфіскаваныя і будуць вернутыя ашуканай пенсіянерцы.

Узбуджана крымінальная справа.