Напапярэдні 105-годдзя ўтварэння ППСМ міністр унутраных спраў Іван Кубракоў узнагародзіў прадстаўнікоў гэтай службы міліцыі, якія асабліва вызначыліся. Таксама адбыўся рытуал уручэння пагонаў чарговых спецыяльных званняў, прысвоеных у парадку заахвочвання датэрмінова. Бацькі самых лепшых супрацоўнікаў удастоены падзячных лістоў. Былі адзначаны і ветэраны.
Звяртаючыся да прысутных, міністр падкрэсліў:
— Пасля распаду вялікай краіны Беларусь захавала патрульна-паставую службу міліцыі і сёння на нашых вуліцах парадак, гарантавана бяспека грамадзян.
Супрацоўнікі заслужылі павагу гасцей, жыхароў рэспублікі, калег з іншых падраздзяленняў. Бо ППСМ — гэта кузня кадраў. Тут, як ні ў адным іншым падраздзяленні, спасцігаюцца асновы міліцэйскай работы, вучацца ўзаемадзеянню з людзьмі.
Сёння нагрузка на патрульных вялікая, іх загартоўка і прафесіяналізм увесь час падвяргаюцца праверцы на трываласць. Яны першымі прыбываюць на сігналы трывогі, першымі рэагуюць на звароты грамадзян, рызыкуючы сабой. Будні сапраўды нялёгкія, але і гераічных учынкаў — нямала.
Іван Кубракоў пажадаў супрацоўніцтва, удачы і заўсёды вяртацца дадому здаровымі:
— Вы ніколі не падводзілі і, упэўнены, не падвядзеце! Падраздзяленне заўсёды шанавала традыцыі, абавязкова захавайце іх. Дзякую сям’і супрацоўнікаў за падтрымку. Асобна хачу сказаць дзякуй ветэранам. Ваш вопыт неацэнны для маладых калег.
