Пасля праведзенага абмеркавання Прэзідэнт запатрабаваў да канца студзеня яшчэ раз пераправерыць, як ідуць справы з аб’ектамі, увод якіх у эксплуатацыю запланаваны на 2025 год — наколькі рэальныя тэрміны і якія сумы можна зэканоміць на стадыі будаўніча-мантажных работ і куплі пэўных відаў абсталявання. Таксама па даручэнні Кіраўніка дзяржавы трэба будзе праверыць спіс тых аб’ектаў, якія прапануюцца да завяршэння ў 2026 годзе — з улікам параметраў інфляцыі і грашова-крэдытнай палітыкі. Усяго гаворка ідзе пра больш чым 80 аб’ектаў.

«Цяпер і заказчыкі дзяржпраграм, куды ўключаны гэтыя аб’екты, і КДК, і Мінфін як распарадчык бюджэтных сродкаў, і аблвыканкамы, на тэрыторыі якіх рэалізуюцца праекты, правядуць яшчэ раз адпаведную рэвізію і канчатковы спіс ляжа Прэзідэнту на стол», — сказаў Дзмітрый Крутой.

Паводле яго слоў, праверка аб’ектаў, якая праводзілася да пачатку 2025 года, дазволіла зэканоміць 10% бюджэтных сродкаў, якія залічаны ў рэзерв і могуць быць выкарыстаны, да прыкладу, пры неабходнасці дафінансаваць якія-небудзь праекты. «Калі хтосьці будзе гатовы аператыўна прафінансаваць праекты ў рэальным сектары эканомікі, якія на працягу года-двух дадуць аддачу, гэтыя рэзервовыя грошы таксама будуць выкарыстаныя», — растлумачыў кіраўнік Адміністрацыі Прэзідэнта.

Фота БелТА