Двухразовая алімпійская чэмпіёнка Кірсці Ковентры з Зімбабвэ ўступіла на пасаду прэзідэнта Міжнароднага алімпійскага камітэта (МАК). Цырымонія перадачы паўнамоцтваў прэзідэнта МАК прайшла ў панядзелак у Алімпійскім доме ў Лазане.

Ковентры была абрана на 144-й сесіі МАК у Грэцыі. На пасадзе кіраўніка камітэта яна змяніла немца Томаса Баха, які кіраваў ім з 2013 года — ён уручыў ёй цырыманіяльны ключ.

Кавентры 41 год, яна стала 10-м прэзідэнтам МАК і першай жанчынай, якая ўзначаліла арганізацыю. Кавентры з’яўляецца двухразовай пераможцай Алімпійскіх гульняў (2004, 2008) у плаванні на дыстанцыі 200 м на спіне. Таксама на яе рахунку тры сярэбраныя медалі і адна бронза Алімпіяд, тройчы яна станавілася чэмпіёнкай свету. З 2018 года яна з’яўляецца міністрам спорту, адпачынку, мастацтва і культуры Зімбабвэ, з 2023 года — членам выканаўчага камітэта МАК. Таксама яна ўваходзіла ў выканкам у 2018–2021 гадах. У гэтых жа гадах была старшынёй камісіі спартсменаў МАК.

Томас Баху, якому зараз 71 год, быў абраны прэзідэнтам МАК на васьмігадовы тэрмін у 2013 годзе, у 2021 годзе яго пераабралі на чатырохгадовы тэрмін.