Падчас канікулаў падлеткі 14–16 гадоў могуць працаваць не больш за 4 гадзіны 36 хвілін у дзень, 16–18 гадоў — не больш за 7 гадзін. А аплата працы ў іх ідзе як за поўны васьмігадзінны працоўны дзень, паведаміў у Прэс-цэнтры Дома прэсы Сяргей Кацко, начальнік упраўлення арганізацыі працы дзяржаўнай службы занятасці насельніцтва і альтэрнатыўнай службы Міністэрства працы і сацыяльнай абароны, паведамляе SB. by.
Спікер нагадаў, што працаваць можна з 14 гадоў, пры гэтым з 14 да 16 абавязкова неабходна згода аднаго з бацькоў:
— Пры працаўладкаванні праз службу занятасці падлеткі афармляюцца па тэрміновых працоўных дагаворах. На іх распаўсюджваюцца ўсе нормы працоўнага заканадаўства. Падчас канікулаў падлеткі 14–16 гадоў могуць працаваць не больш за 4 гадзіны 36 хвілін у дзень, 16–18 гадоў — не больш за 7 гадзін. Самае прыемнае для рабят тое, што пры скарочанай працягласці працоўнага часу аплата працы ў іх ідзе як за поўны працоўны дзень.
Для працаўладкавання неабходна звярнуцца ў тэрытарыяльнае падраздзяленне службы занятасці, мець пры сабе пашпарт, даведку з установы адукацыі, медыцынскую даведку, а пры наяўнасці — працоўную кніжку пералічыў субяседнік.
Акрамя службы занятасці, арганізацыяй часовай занятасці займаюцца ў БРСМ, а таксама ўстановы адукацыі — праз лагеры працы і адпачынку.
