Даследнікі з Кітайскай акадэміі геалагічных навук рэканструявалі аблічча Гандваны — старажытнага суперкантынента, які існаваў каля 550 млн гадоў таму, інфармуе «МІР 24».
Дзякуючы выяўленню раней невядомых фрагментаў зямной кары яго плошча цяпер ацэньваецца ў 80% усёй сушы планеты.
Спецыялісты прааналізавалі больш за 25 тыс. узораў магматычных парод і з дапамогай штучнага інтэлекту выявілі пахаваныя ўчасткі кары ў Азіі, Еўропе і Паўночнай Амерыцы. Цяпер плошча Гандваны ацэньваецца ў 80% усёй сушы планеты. Раней лічылася, што яна займала каля 64% сушы, піша Daily Mail.
На думку навукоўцаў, маштабы суперкантынента маглі ўплываць на кембрыйскі выбух, які адбыўся каля 541 млн гадоў таму, а таксама на глабальныя змены ўзроўню акіяна, складу атмасферы і працэсаў у мантыі.
