Кіраўнік ПСК з жонкай Ганнай і дачкой Аляксандрай павіншавалі са святамі выхаванцаў сацыяльна-педагагічнага цэнтра Салігорскага раёна. Пад апекай ва ўстановы — 24 дзіцяці ва ўзросце ад 5 да 18 гадоў, якія аказаліся ў цяжкай жыццёвай сітуацыі. Госці арганізавалі для дзяцей паказ «Навагодні цырк», артыстамі якога сталі самі рабяты.

«Наведваць дзіцячыя дамы і спецыялізаваныя цэнтры — даўняя навагодняя традыцыя нашай сям’і. Вельмі важна дарыць дзецям клопат і радаваць іх напярэдадні вялікага свята, — сказаў Дзмітрый Лукашэнка. — Сёння мы адчулі цёплую і душэўную атмасферу, вельмі падобную да дамашняй. Дзякуючы хлопчыкам і дзяўчынкам мы таксама павесяліліся і адчулі набліжэнне Новага года. Жадаю рабятам, каб загаданыя імі жаданні абавязкова спраўдзіліся».

У падарунак ад ПСК сацыяльна-педагагічны цэнтр у Салігорску атрымаў вялікі тэлевізар, таксама госці падарылі дзецям салодкія прысмакі, цацкі і спартыўны інвентар.

«Наш калектыў працуе для таго, каб кожнае з дзяцей вярнулася ў сям’ю, адчувала сябе значным і неабходным. Галоўная мэта — стварыць тут умовы, якія максімальна набліжаны да дамашніх, — адзначыла дырэктар цэнтра Жанна Цярэшка. — Прыемна адчуваць такую падтрымку з боку дзяржавы. Акцыя „Нашы дзеці“ — свята не толькі для дзяцей, але і для дарослых, якія хочуць акружыць клопатам і цяплом дзяцей, якія апынуліся ў складаным становішчы, звярнуць на гэта ўвагу».

Раней да акцыі «Нашы дзеці» далучыліся прэзідэнт Нацыянальнага алімпійскага камітэта Віктар Лукашэнка і вядомыя беларускія спартсмены, якія наведалі Светлагорскі раённы цэнтр карэкцыйна-развіваючага навучання і рэабілітацыі.