ААТ «НДІЭВМ» — нязменны распрацоўшчык усіх пакаленняў турнікетаў сталічнай падземкі — вывеў на эксплуатацыйныя выпрабаванні новую мадэль: пункт кантрольны аўтаматызаваны ўніверсальны, паведамілі ў прэс-службе ведамства.
Тут растлумачылі, што выраб створаны па тактыка-тэхнічным заданні ГП «Мінскі метрапалітэн» на сучаснай элементнай базе.
Што змянілася для пасажыраў?
Брамавы механізм замест «фіранак». Праход стаў візуальна адкрытым, плаўным і інтуітыўна зразумелым.
Шырокі інфармацыйны экран. QR-код сэрвісу «Аплаці» зараз адлюстроўваецца адразу на дысплеі — гэта паскарае аплату і праход.
Захаванне ўсіх звыклых спосабаў аплаты: жэтоны, смарт-карты, банкаўскія карты і «Аплаці».
Асаблівая ўвага нададзена надзейнасці і сучаснаму вонкаваму выгляду. Канструкцыя выканана з нержавеючай сталі, а модульны прынцып дазваляе аператыўна абслугоўваць абсталяванне і ўкараняць новыя функцыі ў будучыні.
Дарэчы, новы турнікет устаноўлены на станцыі метро «Плошча Леніна» для правядзення эксплуатацыйных выпрабаванняў. Спецыялісты ацэняць поўную адпаведнасць выраба патрабаванням метрапалітэна.
ААТ «НДІЭВМ» працягвае развіваць тэхналогіі Мінскага метрапалітэна, робячы паездкі гараджан больш хуткімі, камфортнымі і сучаснымі. Кожны пасажыр можа асабіста ацаніць работу турнікета і яго зручнасць ужо сёння.
