Самы рэзультатыўны паядынак вечара быў згуляны ў Брэсце, дзе мясцовы клуб прымаў «Гомель». На дзвюх каманды закінулі 11 шайбаў, фінальная сірэна зафіксавала лік 7:4 на карысць «рысяў». Хет-трык за гамяльчан аформіў Ігар Спяшылаў, у складзе гаспадароў двойчы ў чужыя вароты трапіў Арцём Нікіціч. «Рысі» атрымалі трэцюю перамогу запар, у той час як серыя паражэнняў «Брэста» дасягнула ўжо шасці матчаў — каманда з двума ачкамі замыкае турнірную табліцу экстралігі.

Паралельна «Магілёў» дома сустракаўся з «Металургам». У час паядынку гаспадары ўступалі 1:4, у трэцім перыядзе скарацілі адставанне да мінімуму, але зраўнаваць лічбы не змаглі. Жлобінскі клуб утрымаў перамогу з лікам 4:3, дублямі ў гэтым матчы вызначыліся Дзяніс Сяргушкін («Магілёў») і Максім Ускоў («Металург»). У паўночным дэрбі «Віцебск» на выездзе мінімальна адолеў наваполацкі «Хімік» — 1:0, аўтарам адзінага дакладнага кідка ў авертайме стаў Яўген Саламонаў.