Наяўнасць у чалавека чатырохлапага сябра — ката або сабакі — запавольвае зніжэнне кагнітыўных здольнасцяў і захоўвае пэўныя функцыі мозгу па меры старэння.

Да такой высновы прыйшла даследчая група псіхолагаў з Жэнеўскага ўніверсітэта (Швейцарыя), паведамляе The Guardian.

Вучоныя вывучалі праблему здароўя і выхаду на пенсію ў Еўрасаюзе, улічваючы ўзаемасувязь паміж валоданнем хатнімі жывёламі і зніжэннем кагнітыўных здольнасцей за 18-гадовы перыяд сярод дарослых ва ўзросце 50 гадоў і старэйшых.