Удзел у адборачным этапе прымаюць чатыры каманды: гаспадар пляцоўкі «Гомель», віцэ-чэмпіён Беларусі «Віцебск», сярэбраны прызёр УХЛ васкрасенскі «Хімік» і прадстаўнік лігі Казахстана «Намад». У першым матчы хакеісты з Астаны сустракаліся з «Віцебскам». Зыход матчу вырашыла адзіная шайба, якую ў сярэдзіне трэцяга перыяду закінуў гулец паўночнікаў Міхаіл Лістападаў — 1:0.

Усе ўдзельнікі квартэта згуляюць адзін з адным па разе. Кваліфікацыйны раўнд завершыцца 24 жніўня, далей пройдуць два лепшыя клубы. У фінал чатырох датэрмінова трапілі дзейныя чэмпіёны беларускай экстралігі і Усерасійскай хакейнай лігі «Юнацтва» і «Тарпеда-Горкі» адпаведна. Уладальнік Еўра-Азіяцкага Кубка Дружбы вызначыцца ў студзені 2026 года ў Мінску.