Смаленскі «Славуціч» і гродзенскі «Нёман» атрымалі перамогі ў суботніх матчах рэгулярнага чэмпіянату беларускай хакейнай Экстралігі, паведамляе БелТА.

Адзіны прадстаўнік Расіі ў ЧБ гасцяваў у Оршы ў «Лакаматыва». Па ходзе матчу смаляне тройчы выходзілі наперад, але «чыгуначнікі» кожны раз даганялі саперніка. Асноўны час скончыўся ўнічыю 4: 4, на дубль форварда гасцей Уладзіслава Філіпава адказаў абаронца гаспадароў Данііл Рогач. Зыход паядынку рашыўся ў серыі булітаў, дзе больш дакладнымі аказаліся гульцы «Славуціча». Для смаленскага клуба гэтая перамога стала чацвёртай запар.

Паралельна «Нёман» дома разабраўся з «Хімікам» (4:0), тры з чатырох шайбаў гродзенцы закінулі ў трэцім перыядзе. Галкіпер гаспадароў Міхаіл Карнавухаў адбіў усе 30 кідкоў навапалачан. Апошнімі на лёд у суботу выйдуць хакеісты «Гомеля» і салігорскага «Шахцёра», паядынак на поўдні краіны стартуе ў 19.30.