Трэцім сапернікам мінчан на выездзе стане ХК «Сочы», які страціў шанцы на пападанне ў плэй-оф Кубка Гагарына. Сочынцы замыкаюць табліцу Захаду з 40 ачкамі ў актыве, у «зуброў» амаль у два разы больш балаў (78) і трэці радок у канферэнцыі. Сталічны клуб набіраў ачкі ў сямі з васьмі лютаўскіх гульняў, здабыўшы на гэтым адрэзку пяць перамог. Гасцявое турнэ «Дынама» пачало з паражэння ад «Лакаматыва» ў серыі булітаў (4:5), пасля чаго мінчане абыгралі «Тарпеда» (4:3).

Сочынцы прайгралі шэсць з сямі матчаў месяца, папярэдні паядынак каманды з ЦСКА 23 лютага не быў дагуляны ў сувязі з авіяцыйнай небяспекай у горадзе. У бягучым сезоне «зубры» і «леапарды» двойчы сустракаліся ў Мінску, абедзве гульні скончыліся буйнымі перамогамі «бела-блакітных» (8:2 і 5:2). Першы ў чэмпіянаце вочны матч «Дынама» і «Сочы» на расійскім лёдзе стартуе ў 19.30.