Першая ракетка свету не збіраецца мяняць «спартыўную прапіску» і працягне прадстаўляць родную краіну на сусветнай арэне.
«Я заўсёды з гонарам прадстаўляла сваю невялікую краіну. Адчуваю, што натхняю дзяцей у нас дома. І змена грамадзянства — гэта не пра мяне. Я не хачу здраджваць гэтым дзецям.
Я хачу выступаць за Беларусь, каб дзеці ў нас бачылі, што я гуляю на высокім узроўні, і разумелі: калі я змагла прайсці шлях з маленькай краіны да вяршыняў, значыць, і яны таксама могуць», — сказала Сабаленка напярэдадні выставачнага матчу «Бітва палоў» з аўстралійскім тэнісістам Нікам Кір’ёсам. Гэты паядынак пройдзе 28 снежня ў Дубаі (ААЭ). Пры гэтым Сабаленка заявіла, што ўпэўнена ў сваёй перамозе.
