Карціна «Малітва» студэнткі Сычуаньскай акадэміі прыгожых мастацтваў Ань Ці выклікала фурор на выставе дыпломных работ. Натоўпы наведвальнікаў выстройваюцца ў чаргу, каб убачыць палатно, а ў сацыяльных сетках з’яўляюцца тысячы захопленых водгукаў, перадае «Жэньмінь жыбаа» онлайн». 

Сакрэт папулярнасці — у дзіўным рэалізме. На карціне намалявана драўляная манекенападобная фігура ў навушніках і каляровых хустках, твар манекена закрыты упаковачнай плёнкай. Гледачы здзіўлены дэталёвасцю: кожная зморшчына тканіны, тэкстура дрэва і нават паветра выглядаюць настолькі рэалістычна, што многія прызнаюцца, што хацелі дакрануцца да карціны, думаючы, што гэта рэальныя прадметы.

У сацыяльнай сетцы RedNote адзіны пост мастачкі аб працы сабраў больш за 230 тысяч лайкаў. Сярод дзясяткаў тысяч каментарыяў значная частка прысвечана захапленню тэхнікай выканання і тонкасцю рэалістычнай выявы.

Ань Ці тлумачыць задуму працы як крытыку спажывецкага грамадства. Выкарыстоўваючы танныя матэрыялы — пластыкавыя плёнкі і сінтэтычныя тканіны, — яна паказвае памылковасць раскошнага жыцця і заклікае не губляць сябе ў бясконцым спажыванні.

На стварэнне палатна спатрэбілася два месяцы карпатлівай працы. Мастачка спачатку пабудавала рэальную інсталяцыю ў класе, старанна прадумаўшы кожную дэталь асвятлення і кампазіцыі.

Нечаканая слава стала для выпускніцы прыемным сюрпрызам. Карціна ўжо прададзена, хоць кошт Ань Ці не раскрывае.