«Прэзідэнцкая выбарчая кампанія завяршыла вялікі цыкл палітычнай мадэрнізацыі, які быў абумоўлены унясеннем змяненняў і дапаўненняў у Канстытуцыю Рэспублікі Беларусь», — сказаў Ігар Карпенка.

Кіраўнік ЦВК нагадаў, што ў Беларусі на дзяржаўным узроўні замацавана такое паняцце, як электаральны суверэнітэт. «Гэта паняцце ўвайшло ў Канцэпцыю нацыянальнай бяспекі, якая была зацверджана Усебеларускім народным сходам. І, вядома ж, пры ўнясенні змяненняў і дапаўненняў у дзеючае выбарчае заканадаўства мы ўлічвалі тыя асноўныя напрамкі, якія неабходна забяспечыць з пункту гледжання абароны нашага электаральнага суверэнітэту», — адзначыў ён.