«Працягваем павялічваць пастаўкі за мяжу. І гэта не толькі традыцыйныя рынкі — Расіі (тэмп росту 104,7 %), Казахстана (298 %), але і новыя — Камбоджа (235 %), Тайланд (158 %). У нашых замежных пакупнікоў пастаянным попытам карыстаюцца мясапрадукты, пушна-футравая сыравіна, гарбарны паўфабрыкат са шкур буйной рагатай жывёлы, кніжка ялавічная і іншае. З’яўляюцца новыя віды экспартна арыентаванай прадукцыі. Напрыклад, кармы для жывёл, якіх у 2025 годзе экспартавана больш за 400 т», — адзначыла Інеса Караткевіч. 

Зверагадоўчую галіну спажыўкааперацыі прадстаўляе ўнітарнае прадпрыемства «Гроднакаапфутра», якое аб’ядноўвае дзве зверафермы ў Гродзенскім і Пінскім раёнах. Галіна арыентавана ў першую чаргу на экспарт. У 2025 годзе ў Шанхаі з прадстаўнікамі Кітайскай асацыяцыі вытворцаў вырабаў са скуры падпісана дарожная карта двухбаковага супрацоўніцтва на 2025—2026 гады. Дакумент прадугледжвае план мерапрыемстваў па развіцці гандлёва-эканамічных адносін, уключаючы нарошчванне паставак пушна-футравай сыравіны ў Кітай, вывучэнне магчымасці стварэння сумесных прадпрыемстваў па вытворчасці футравых вырабаў, а таксама супрацоўніцтва ў падрыхтоўцы кадраў і абмене вопытам і тэхналогіямі вырошчвання клеткавых жывёл, вытворчасці прадукцыі.

«Паспяхова завяршыліся таргі на Беларускай універсальнай таварнай біржы з удзелам расійскіх і кітайскіх пакупнікоў. Усе прадстаўленыя лоты былі прададзены», — рэзюмавала старшыня праўлення Белкаапсаюза.