Аляксандр Астрэйка таксама адзначыў крытычную важнасць міжнароднага абмену вопытам ва ўмовах глабалізацыі. Ганаровымі гасцямі прэзідыума сталі начальнік кафедры юрыдычнай псіхалогіі Санкт-Пецярбургскага ўніверсітэта МУС Расіі Валянцін Бялянкін, старшыня Вышэйшай атэстацыйнай камісіі Беларусі Аляксандр Гучок і суддзя Канстытуцыйнага Суда Павел Грыдзюшка. У рабоце канферэнцыі таксама прынялі ўдзел эксперты з пяці краін — Расіі, Казахстана, Кыргызстана, Узбекістана і Таджыкістана. Такі шырокі геаграфічны ахоп дазволіў атрымаць комплексны погляд на праблемы і выпрацаваць найболей эфектыўныя механізмы процідзеяння злачыннасці.

Падчас пленарнага пасяджэння ўдзельнікі канферэнцыі паглыбіліся ў шэраг найбольш значных тэм. У тым ліку разгледзелі асноўныя палажэнні паслання Канстытуцыйнага Суда Прэзідэнту і палатам Нацыянальнага сходу «Аб стане канстытуцыйнай законнасці ў Рэспубліцы Беларусь», а таксама аспекты сучаснай крымінальна-прававой палітыкі дзяржавы. Акрамя таго, былі разгледжаны пытанні выяўлення, агляду і аналізу лічбавых даных з выкарыстаннем спецыялізаванага праграмнага забеспячэння. А на круглым стале, прысвечаным мерам супрацьдзеяння кіберзлачыннасці, удзельнікі абмеркавалі новыя выклікі, звязаныя з выкарыстаннем зламыснікамі тэхналогій штучнага інтэлекту.

Аміна НАЗАРАВА

Фота Акадэміі МУС