Супрацоўнікі наркакантролю Гродзеншчыны атрымалі аператыўную інфармацыю, што 50-гадовая жыхарка абласнога цэнтра і 63-гадовы мужчына з Мінскага раёна маюць дачыненне да распаўсюджвання забароненых рэчываў. У ходзе праверкі звесткі пацвердзіліся.

Пры сілавой падтрымцы байцоў «Алмаза» сумесна з супрацоўнікамі Віцебскай мытні фігурантаў затрымалі пад Полацкам. Яны везлі з Расіі партыю асабліва небяспечнага псіхатропнага рэчыва 4-СМС вагой 1,3 кг. Тавар планавалі распаўсюдзіць у Гродне.

Следчымі распачата крымінальная справа за незаконны абарот наркотыкаў з мэтай збыту. Падазраваным пагражае да 15 гадоў пазбаўлення волі. Працягваюцца аператыўна-вышуковыя мерапрыемствы і следчыя дзеянні па ўстанаўленні ўсіх эпізодаў іх злачыннай дзейнасці.