Правядзенне масавага спартыўнага свята для абласнога цэнтра ўжо стала традыцыяй. І, нягледзячы на дастаткова золкае і прахалоднае надвор’е, настрой у гасцей выдатны, а настрой у спартсменаў — пакараць новыя вяршыні.

«Магілеўскі міжнародны марафон у гэтым годзе сабраў каля 10 тыс. удзельнікаў. У ім прабягуцца як самыя маленькія аматары бегу, так і прафесіяналы, таму што ў рамках аматарскага забегу адбудзецца адкрыты чэмпіянат СНД па марафоне, куды прыехалі прадстаўнікі Расійскай Федэрацыі», — адзначыў Іван Ціхан.

Прафесіяналы сёння будуць змагацца за перамогу і рэкорды, падкрэсліў старшыня БФЛА. Але і проста аматары бегу сёння таксама будуць ставіць рэкорды — асабістыя.

На марафоне пануе асаблівая атмасфера. «Бег — гэта той від спорту, які даступны ўсім. І, як казаў Гіпакрат, калі хочаш быць прыгожым — бегай, калі хочаш быць разумным — бегай, калі хочаш быць здаровым — бегай», — адзначыў ён.