Калі аўтамабільныя дарогі будуць гатовы да летняй эксплуатацыі і колькі іх трэба адрамантаваць у гэтым годзе, у эфіры тэлеканала СТБ расказаў начальнік упраўлення развіцця аўтамабільных дарог галоўнага ўпраўлення аўтадарог Міністэрства транспарту і камунікацый Леанід Зянкевіч, паведаміла БелТА.
«Усе абласныя цэнтры злучаны з Мінскам дарогамі I катэгорыі, за выключэннем Віцебска, таму ў бліжэйшай перспектыве і цяпер выконваецца рэканструкцыя аўтамабільнай дарогі М3, на гэтым этапе — на ўчастку ад Плешчаніц да Лепеля. Акрамя таго, выконваецца рэканструкцыя аўтамабільнай дарогі Р46 ад Лепеля да Полацка. У мінулым годзе завершаны капітальны рамонт гэтай дарогі ад Полацка да граніцы з Расійскай Федэрацыяй. Такім чынам, фарміруецца перспектыўны транспартны калідор у напрамку партовай інфраструктуры Ленінградскай вобласці», — расказаў Леанід Зянкевіч.
Ён дадаў, што на адной з вядучых аўтадарог рэспублікі М1 участкамі праводзіцца пераважна бягучы рамонт, і на гэта накіравана сур’ёзнае фінансаванне, таму што траса доўгая.
«Стан дарог залежыць ад зімовага перыяду. У любым выпадку два разы на год праводзіцца агляд дарог, а таксама дыягностыка, па выніках якіх назначаюцца рамонтныя мерапрыемствы. У тым ліку па выніках выхаду з гэтага зімовага перыяду будзе праведзены агляд, і планы, магчыма, будуць падкарэкціраваны па рамонце. З пачатку бягучага зімовага перыяду ўжо выканана работ па зімовым утрыманні дарог у два разы больш, чым зроблена за аналагічны перыяд мінулай зімы», — адзначыў начальнік упраўлення Мінтранса.
Ён дадаў, што да летняга сезона дарогі рэспублікі падрыхтуюць у маі. «Плануецца ўжо да 9 мая ўсе дарогі падрыхтаваць да летняй эксплуатацыі, забяспечыўшы максімальнае ўстараненне сезоннай ямачнасці, ачыстку астаткаў процігалалёдных матэрыялаў, нанясенне разметкі, вываз смецця, а таксама фарбаванне элементаў абсталявання на дарозе. Усяго ў 2026 годзе плануецца выканаць рамонт і рэканструкцыю амаль 5 тыс.км аўтамабільных дарог агульнага карыстання», — праінфармаваў Леанід Зянкевіч.
