Заапарк з амаль векавой гісторыяй — адна з візітных картак Гродзенскай вобласці. Ва ўстанове сёння прадстаўлены 397 відаў жывёл. Прыбаўленне за 2025 год — 45 новых відаў. 18 відаў з агульнай колькасці ўваходзяць у Чырвоную кнігу Беларусі як рэдкія і знікаючыя. У прыватнасці, буры мядзведзь, чорны бусел, рысь.

«Агульная колькасць жывёл заапарка — 4481 жывёла. Самыя пажылыя — воўк, якому 17 гадоў, поні — 30 гадоў. Самы юны — зебу, які нарадзіўся ў канцы студзеня», — дадалі ў прэс-службе.

Для кармлення жывёл у 2025 годзе закуплялася 117 відаў кармоў. Яны з’елі парадку 19 т ялавічыны, 16 т бульбы, 11 т капусты, 2,5 т яблыкаў, 121 кг вінаграду, 148 кг разынак, 238 кг павідла, 100 кг печыва, 26 тыс. штук яек, выпілі 531 л малака, 22 кг кісялю і 1 кг чаю.

Дарэчы, некаторыя пастаяльцы заапарка горада над Нёманам здымаліся ў вядомых мастацкіх і дакументальных фільмах.

У 2025 годзе Гродзенскі заапарк наведалі больш за 150 тыс. дзяцей і дарослых.