«У нас у парламенце створана група дружбы па супрацоўніцтве з парламентарыямі М’янмы. Мы шчыра спадзяёмся, што нашы адносіны па парламенцкай лініі будуць больш актыўныя», — сказала Наталля Качанава.

Карыстаючыся выпадкам, спікер запрасіла свайго калегу, спікера Палаты нацыянальнасцяў М’янмы з афіцыйным візітам у Беларусь. Выказала надзею на падтрымку Прэзідэнта гэтай краіны ў арганізацыі гэтага візіту.

«Рэспубліка Саюз М’янма з’яўляецца для Беларусі найважнейшым партнёрам у рэгіёне Паўднёва-Усходняй Азіі. Нашы адносіны набылі абсалютна новы стратэгічны характар», — адзначыла спікер.

«Мы разумеем, што такія візіты на вышэйшым узроўні даюць новы імпульс супрацоўніцтву паміж нашымі краінамі, якія, нягледзячы на адлегласць, сёння з’яўляюцца добрымі сябрамі і надзейнымі партнёрамі», — сказала Старшыня Савета Рэспублікі.