Па выніках сустрэч у каментарыі журналістам Дзмітрый Крутой адзначыў, што выстава «ІНАПРАМ. Беларусь» — гэта заўсёды добрая магчымасць пагутарыць напрамую з расійскімі губернатарамі. 

«На ўсіх сустрэчах у асноўным мы абмяркоўвалі кааперацыйныя праекты з нашымі прадпрыемствамі. Выдатна, што так глабальна змяняецца свядомасць. Усе разумеюць, што пасля адыходу заходніх брэндаў рынак нашых краін вельмі актыўна займаюць вытворцы з Паўднёва-Усходняй Азіі. І каб з імі канкурыраваць, нам трэба даваць эфектыўны прадукт менавіта ў рамках кааперацыі», — сказаў кіраўнік Адміністрацыі Прэзідэнта.

Сёння абмяркоўваліся нават нюансы сабекошту канкрэтных праектаў, звязаныя з заработнай платай, прамой, без пасрэднікаў, пастаўкай камплектуючых, работай беларускіх будаўнікоў, якія патанняюць у пэўным сэнсе за кошт будмантажу ўзвядзенне тых ці іншых вытворчых аб’ектаў у расійскіх рэгіёнах, удакладніў Дзмітрый Крутой, падкрэсліўшы, што ідзе глыбокая эканамічная работа. 

«Асобным важным элементам стала функцыянаванне фінансавых інструментаў. Я ўжо пра гэта казаў і ў рамках Далёкаўсходняга эканамічнага форуму з далёкаўсходнімі губернатарамі», — сказаў Дзмітрый Крутой.