Міністр нацэліў і надалей прытрымлівацца традыцый і заўсёды годна выконваць службовы абавязак — быць там, дзе патрэбныя.

«Гэты год для Рэспублікі Беларусь асаблівы, — адзначыў кіраўнік міліцэйскага ведамства. — Мы адзначаем 80-годдзе Вялікай Перамогі і ўшаноўваем памяць нашых калег і землякоў, якія ў гады Вялікай Айчыннай вайны абаранялі сваю Радзіму, многія — коштам уласнага жыцця».

Супрацоўнікі органаў унутраных спраў памятаюць і ніколі не забудуць кожнага байца батальёна Уладзімірава, якія ў 1941 годзе засталіся верныя Прысязе, паказалі ўсяму свету, што нават невялікі калектыў, стоячы да смерці, здольны абараніць сваю зямлю — тую самую вышыню, якая сёння носіць імя камандзіра.

Сёння міліцыянеры не толькі забяспечваюць унутраную бяспеку, што стала візітнай карткай нашай краіны. «Хто б ні прыязджаў у Беларусь, усё адзначаюць адно: можна спакойна хадзіць па вуліцах, адпускаць дзяцей у школу, — звярнуў увагу Іван Кубракоў. — Але бяспека — гэта не толькі правапарадак, але і эканамічная стабільнасць».

Па словах міністра, калі губернатар вобласці звярнуўся да яго з просьбай аб дапамозе ва ўборцы ўраджаю, было прынята ўпэўненае рашэнне. «На Магілёўшчыне ёсць такія людзі, бо мы выхаваны на ідэалах узаемадапамогі і ніколі не кідаем сваіх, — падкрэсліў Іван Кубракоў, звяртаючыся да асабовага складу. — Вы даказалі гэта на справе, уклаўшы свой унёсак у агульны каравай вобласці. У Міністэрстве сельскай гаспадаркі пацвердзілі: і якасць, і аб’ёмы ўборкі сёлета значна вышэйшыя, чым у папярэднія. І ўклад міліцыянераў таксама адыграў у гэтым немалаважную ролю».

Кіраўнік МУС запэўніў: калі спатрэбіцца, вартавыя правапарадку стануць у адзін строй і з будаўнікамі, і з хлебаробамі. Нездарма раней міліцыю называлі народнай: праваахоўнікі заўсёды побач з насельніцтвам. Гэтыя найлепшыя традыцыі будуць працягнуты.

У Крычаве міністр унутраных спраў асабіста пракантраляваў працу міжведамаснага аператыўна-сітуацыйнага штаба і нясенне службы супрацоўнікамі па забеспячэнні аховы грамадскага парадку і дарожнай бяспекі пры правядзенні абласных «Дажынак-2025».

У рамках фестывалю ў райцэнтры праходзіць маштабная акцыя МУС «За бяспеку — разам!». Дэлегацыя МУС на чале з Іванам Кубраковым наведала лакацыі. Шматлікія інтэрактыўныя зоны і актыўнасці, падрыхтаваныя супрацоўнікамі органаў унутраных спраў, зацікавілі і кіраўніцтва вобласці.

Вераніка КАНЮТА

Фота прэс-службы МУС