Надзвычайны і Паўнамоцны Пасол Рэспублікі Беларусь у Аб’яднаных Арабскіх Эміратах і Дзяржаве Кувейт па сумяшчальніцтве Ігар Белы 15-16 чэрвеня зрабіў рабочую паездку ў г. Эль-Кувейт (Кувейт) і правёў сустрэчы з прадстаўнікамі Міністэрства замежных спраў і дзелавых колаў Кувейта. Аб гэтым паведамляе БелТА.
На сустрэчы з намеснікам міністра замежных спраў Кувейта па справах Еўропы Садзікам Марафі быў узгоднены пералік сумесных мерапрыемстваў на бліжэйшую перспектыву па развіцці супрацоўніцтва паміж Беларуссю і Кувейтам. Асаблівая ўвага была ўдзелена паглыбленню ўзаемадзеяння ў палітычнай сферы.
У размове з намеснікам дырэктара Кувейцкай гандлёва-прамысловай палаты Эмадам Аль-Заідам абмеркавана пашырэнне кантактаў паміж прадпрыемствамі дзвюх краін, уключаючы правядзенне сумеснага бізнес-форуму і ўдзел кувейцкіх дзелавых колаў у выставачных мерапрыемствах Беларусі.
У ходзе перагавораў з намеснікам генеральнага дырэктара па інвестыцыйных пытаннях Кувейцкага фонду арабскага эканамічнага развіцця Рашыдам Алі Аль-Бадрам была дасягнута дамоўленасць аб пашырэнні супрацоўніцтва Беларусі з фондам.
Бакі вызначылі канкрэтныя крокі па практычнай рэалізацыі інвестыцыйных праектаў.
