Мужчына ў сацыяльнай сетцы адгукнуўся на прапанову хуткага заробку ў трэйдынгавай кампаніі і пачаў укладваць грошы. За адзін месяц ён перавёў больш за $10 тыс. Віцяблянін паспрабаваў вывесці «заробленае», аднак не змог. Для вырашэння праблемы пацярпелага звязалі з ілжэсупрацоўнікам банка. Мужчына павінен быў правільна адказаць на тры пытанні. Адказы аказаліся няправільнымі, і ён атрымаў штраф $1200. Пасля аплаты штрафу грошы яму ўсё роўна не вярнулі. Шляхам маніпуляцый ашуканцы пераканалі яго ўкласці яшчэ Br7 тыс.

Толькі калі няўдаламу трэйдару пачалі тэлефанаваць нібыта супрацоўнікі КДБ, ён зразумеў, што яго падманулі ашуканцы, і звярнуўся па дапамогу ў міліцыю.