Такім меркаваннем з карэспандэнтам zviazda.by падзяліўся член Пастаяннай камісіі Савета Рэспублікі па эканоміцы, бюджэце і фінансах, старшыня канцэрна «Белнафтахім» Ілья Ікан.
— Нафтахімічная прамысловасць — гэта флагман беларускай эканомікі. Без нафтахіміі жыць немагчыма, яна сёння выкарыстоўваецца ў навукова-даследчых, канструктарскіх работах, у вытворчасці новых матэрыялаў, харчовай бяспецы, у лёгкай прамысловасці, у вытворчасці змазачных матэрыялаў, у машынабудаванні. Вядома, мы спадзяёмся на навукоўцаў. На сёння нафтахімія і спадарожныя распрацоўкі паслужаць умацаванню нашай тэхналагічнай і эканамічнай незалежнасці і бяспекі, — выказаў упэўненасць парламентарый.
