Дыялог лідараў наймацнейшых дзяржаў усяляе надзею на больш хуткае завяршэнне зацяжнога канфлікту, аднаўленне кантактаў і далейшае плённае супрацоўніцтва. Вядома, што за некалькі гадзін да пачатку саміту Дональд Трамп правёў тэлефонную размову з беларускім лідарам — Аляксандрам Лукашэнкам. Гэта сведчыць аб завочным удзеле нашага Прэзідэнта і рэспублікі ў працэсе мірнага ўрэгулявання. Дасягнута дамоўленасць прадоўжыць кантакты. Не выключана, што ў далейшым магчымыя перагаворы і на тэрыторыі Рэспублікі паміж кіраўнікамі вядучых краін і лідарам аднаго з бакоў канфлікту.

Тое, што адбываецца паміж Расіяй і Украінай, брацкімі народамі, — вялікая трагедыя, боль якой будзе яшчэ доўга адгукацца ў сэрцах пацярпелых людзей і іх родных і блізкіх. У словах Уладзіміра Пуціна адчуваецца шчырасць і жаданне да ўстойлівага завяршэння варожых адносін. Як падкрэсліў Уладзімір Уладзіміравіч, не трэба было даводзіць да баявых дзеянняў, гэта вялікая памылка. Каб выбудаваць доўгатэрміновыя адносіны, трэба ліквідаваць усе першапрычыны, якія прывялі да крызісу. Прамова Дональда Трампа таксама ўсяляе надзею на станоўчы зыход дзелавой сустрэчы і нават на ўзаемавыгадныя і раўнапраўныя сувязі ў двухбаковым супрацоўніцтве.